مورخہ 24 ستمبر 2024 ڈپٹی انسپکٹر جنرل آف ٹریفک پولیس کراچی کے دفتر ہذا میں آل پاکستان موٹر کار ڈیلرز ایسوسی ایشن کے چیئرمین عادل خان نے وفد کے ہمراہ ڈی آئی جی ٹریفک کراچی احمد نواز سے ملاقات کی اور ٹریفک سے متعلق درپیش مسائل سے آگاہ کیا۔

انہوں نے ڈی آئی جی ٹریفک کراچی کو خالد بن ولید روڈ پر ٹریفک کی روانی سے متعلق اور تجویز پیش کی اور استدعا کی کہ ہمارے آنے والے کسٹمرز کی گاڑیاں روڈ سے لفٹ نہ کروائیں۔

ڈی آئی جی ٹریفک نے کہا کہ آپ روڈ پر گاڑیاں غلط پارک نا کروائیں تو اس صورت میں ٹریفک پولیس کی جانب سے گاڑیاں لفٹ نہیں کی جائیں گی اور جو گاڑی غلط پارک ہوگی تو اس کا موقع پر چالان کیا جائے گا۔

ڈی آئی جی ٹریفک کراچی نے متعلقہ افسران و ملازمان کو احکامات جاری کیے کہ ان کے مسائل کو ترجیحی بنیادوں پر حل کیا جائے۔