مورخہ 29 اگست 2024 ڈپٹی انسپکٹر جنرل آف ٹریفک پولیس کراچی کے دفتر میں گڈز ٹرانسپورٹ کے وفد کی ڈی آئی جی ٹریفک کراچی احمد نواز سے ملاقات۔

ملاقات کے موقع پر گڈز ٹرانسپورٹ کے وفد نے ڈی آئی جی ٹریفک کو درپیش مسائل سے آگاہ کیا۔

گڈ ٹرانسپورٹرز کے وفد نے ڈی آئی جی صاحب سے انڈسٹریل زون سے اور ملک بھر سے درآمدی سامان کو کراچی پورٹ تک پہنچانے کے لیے اپنی گاڑیوں کی اوقات بڑھانے کے لیے تجاویز پیش کیں.

ڈی آئی جی ٹریفک کراچی نے یقین دہانی کراتے ہوئے کہا ہے کہ ترجیحی بنیادوں کو مدنظر رکھتے ہوئے مسائل کو حل کیا جائے گا۔

ڈی آئی جی ٹریفک نے کہا کہ ڈرائیور حضرات ٹریفک قوانین کا احترام نہیں کرتے جس سے حادثات پیش آتے ہیں۔

ڈرائیورز سگنل وائلیشن، فاسٹ ٹریک، اووراسپیڈنگ اور دیگر ٹریفک وائلیشن کرتے ہیں، ٹریفک قوانین پر عمل درآمد لازمی کروائیں۔

انہوں نے مزید کہا ہے کہ ڈرائیورز رات کے اوقات میں دوسری گاڑیوں سے سبقت لے جانے کے لیے تیز رفتاری کا مظاہرہ کرتے ہیں جو کہ انتہائی خطرناک عمل ہے۔

گڈز ٹرانسپورٹ کے وفد نے اطمینان کا اظہار کرتے ہوئے ڈی آئی جی کراچی کا شکریہ ادا کیا۔