مورخہ 10 اکتوبر 2024 سے انسپیکٹر جنرل آف سندھ پولیس غلام نبی میمن صاحب کے احکامات پر ڈی آئی جی ٹریفک کراچی احمد نواز کی سربراہی میں کراچی ٹریفک پولیس شہر بھر میں GS, SP, GP غیر قانونی، فیک گورنمنٹ نمبر پلیٹس کا استعمال کرنے والوں کے خلاف مہم کا آغاز کیا جا رہا ہے۔

کراچی ٹریفک پولیس اینٹی کار لفٹنگ سیل (ACLC) اور ضلعی پولیس مل کر غیر قانونی نمبر پلیٹ استعمال کرنے والوں کے خلاف کاروائی عمل میں لائیں گے۔

بلخصوص پرائیویٹ گاڑیوں پر سرکاری رنگ کی نمبر پلیٹ آویزاں ہونے پر قانونی کاروائی عمل میں لائی جائے گی اور گاڑی ضبط کر کے ایف آئی آر بھی درج کی جا سکتی ہے۔

شہریوں سے التماس ہے کہ وہ اپنی گاڑیوں پر گورنمنٹ سے منظور شدہ نمبر پلیٹس کے استعمال کو یقینی بنائیں۔