ڈی آئی جی پی ویسٹ زون عرفان علی بلوچ کی ہدایات پر اسٹریٹ کرمنلز کے خلاف کریک ڈاؤن جاری۔

مورخہ: 11 اکتوبر 2024

ویسٹ، تھانہ سرجانی (محبوب شہید چوکی) پولیس نے اسٹریٹ کرائم میں ملوث ملزمان کے ایک گینگ کو گرفتار کرلیا۔

ملزمان نے سرجانی سیکٹر 4C میں محمد جنید شیخ نامی شہری کو لوٹ کر فرار ہونے کی کوشش کی تھی۔ پولیس نے فوری کارروائی کرتے ہوئے 4 ملزمان کو گرفتار کیا۔ گرفتار ملزمان سے 2 پسٹلز، 7 موبائل فونز، شہری کا چھینا گیا بٹوہ اور نقدی برآمد ہوئی۔

گرفتار ملزمان میں جنید ولد جاوید احمد، موسیٰ فرید ولد اصغر علی، ارباز ولد آغا اختر اور عدنان ولد حاکم علی شامل ہیں۔ برآمد شدہ موبائل فونز سرجانی اور اطراف کے علاقوں سے چھینے گئے تھے۔ ملزمان کے زیراستعمال 2 موٹرسائیکلز بھی قبضے میں لے لی گئی ہیں۔ ان کے خلاف مقدمات درج کرکے تفتیش کا آغاز کردیا گیا ہے۔

ترجمان میڈیا سیل ڈی آئی جی پی ویسٹ زون