ڈی آئی جی پی ویسٹ زون عرفان علی بلوچ کی ہدایات پر اسٹریٹ کرمنلز کے خلاف مسلسل کاروائی جاری ہے۔

05 اکتوبر 2024

ویسٹ زون، تھانہ مومن آباد پولیس نے اسٹریٹ کرائم کی وارداتوں میں ملوث دو ملزمان کو گرفتار کرلیا۔ پولیس نے خفیہ اطلاع پر سیکٹر 10 الفتح کالونی میں کارروائی کرکے 02 ملزمان کو گرفتار کیا۔

گرفتار ملزمان سے 02 پسٹلز بمعہ ایمونیشن، چھینے گئے 08 موبائل فونز اور نقدی رقم برآمد ہوئی۔ ملزمان نے انکشاف کیا کہ برآمد شدہ موبائل فونز شہر کے مختلف علاقوں سے اسلحہ کے زور پر چھینے گئے تھے۔

پولیس نے ملزمان کے زیراستعمال موٹرسائیکل کو بھی قبضے میں لے لیا ہے، جس کی تفصیلات حاصل کی جارہی ہیں۔ گرفتار ملزمان کے خلاف مزید سندھ اسلحہ ایکٹ کے تحت مقدمات درج کرلیے گئے ہیں۔

گرفتار ملزمان میں جنید ولد عزیز الرحمن اور افتاب ولد خان محمد شامل ہیں۔

ترجمان میڈیا سیل ڈی آئی جی پی ویسٹ زون