ڈی آئی جی ویسٹ زون عرفان علی بلوچ کے خصوصی احکامات پر دوران ڈکیتی شہری کے قتل میں ملوث ملزمان کے خلاف کاروائی

مورخہ: 15 نومبر 2024

ویسٹ: ایس ایچ او پیرآباد نے ڈیجیٹل / ٹیکنیکل و ہیومن انٹیلیجنس کی بنیاد پر کاروائی کرکے دوران ڈکیتی شہری کو فائرنگ کرکے قتل کرنے والے 02 ملزمان کو گرفتار کرلیا۔

ملزمان نے چار روز قبل سیکٹر 4F اورنگی ٹاؤن میں واردات کے دوران مزاحمت پر شہری فیاض احمد کو فائرنگ کرکے ہلاک کیا تھا۔

گرفتار ملزمان میں عمر حیات ولد پروانہ اور حماد ولد طارق شاہ شامل ہیں۔

واردات/قتل کا مقدمہ الزام نمبر 600/2024 بجرم دفعہ 397/302/34 ت پ تھانہ پیرآباد میں درج ہے۔

گرفتار ملزمان سے وارداتوں میں استعمال ہونے والے 02 پسٹلز بمعہ ایمونیشن اور نقدی رقم برآمد کرلی گئی۔

ملزمان کے زیراستعمال موٹرسائیکل کو بھی قبضہ پولیس میں لے لیا گیا جوکہ تھانہ نبی بخش کی سرقہ شدہ ہے۔

ملزمان نے دوران انٹروگیشن بالا قتل سمیت اسٹریٹ کرائم کی مزید وارداتوں کا انکشاف کیا جن کی تفصیلات حاصل کی جارہی ہیں۔

ملزمان کے خلاف مزید سندھ اسلحہ ایکٹ کے تحت مقدمات کا اندراج کرکے تفتیش کا آغاز کردیا گیا ہے۔

ترجمان ڈی آئی جی پی ویسٹ زون کراچی