ڈی آئی جی پی ویسٹ زون عرفان علی بلوچ کی ہدایات پر اسٹریٹ کرمنلز کے خلاف مسلسل کاروائی جاری ہے۔

مورخہ: 12 اکتوبر 2024

بلال کالونی پولیس کی بروقت کارروائی، اسٹریٹ کرائم میں ملوث ملزم گرفتار، اسلحہ برآمد

بلال کالونی پولیس نے سیکٹر فائیو ڈی نیو کراچی میں کارروائی کرتے ہوئے ایک ملزم کو رنگے ہاتھوں گرفتار کیا جو مدعی مقدمہ سے موبائل فون اور نقدی چھیننے کی کوشش کر رہا تھا۔

گرفتار ملزم کی شناخت عمر مشتاق ولد مشتاق کے نام سے ہوئی ہے۔ ملزم کے قبضے سے 1 عدد 30 بور پستول، لوڈ میگزین، چھینا ہوا موبائل فون، اور ایک چھنی ہوئی موٹر سائیکل برآمد ہوئی۔ اس کے علاوہ، ملزم کے قبضے سے چار اصل شناختی کارڈ اور بارہ سمز بھی برآمد ہوئیں جو کراچی کے مختلف شہریوں کی ملکیت ہیں۔

ملزم کے خلاف نارتھ ناظم آباد تھانے میں پہلے سے موٹر سائیکل چھیننے کا مقدمہ نمبر 305/24 بجرم دفعہ 397 درج ہے۔ مزید برآں، ملزم چوری، ڈکیتی اور ناجائز اسلحہ کے مقدمات میں حیدری مارکیٹ اور تیموریہ تھانے سے جیل جا چکا ہے اور کریمنل ریکارڈ یافتہ ہے۔

ملزم کے خلاف مزید کارروائی کرتے ہوئے دفعہ 397 اور ناجائز اسلحہ برآمدگی کے تحت مقدمہ نمبر 349/24 اور 350/24 درج کر کے تفتیش شروع کر دی گئی ہے۔

ترجمان میڈیا سیل ڈی آئی جی پی ویسٹ زون