مورخہ: 02 ستمبر 2024 ڈی آئی جی ویسٹ زون عرفان علی بلوچ صاحب کے حکم و احکامات کے تحت، ایس ایچ او نیو کراچی انڈسٹریل ایریا نے پولیس کی بھاری نفری کے ساتھ خمیسو گوٹھ میں کومبنگ آپریشن کیا۔

منشیات فروشوں کی اطلاع پر کیے گئے اس آپریشن کے دوران 4 ملزمان کو گرفتار کیا گیا، جن کی شناخت فراز عرف ڈڈو ولد گل محمد، شعیب عرف علی جان ولد سدھیر علی، محمد اکرم عرف رانا مچھڑ ولد محمد بخش، اور صابر خان ولد اللہ نظر کے ناموں سے ہوئی۔گرفتار ملزمان بدنام زمانہ منشیات فروش عبدالغفار عرف اقبال اکو کے کارندے ہیں اور خفیہ طور پر آئس، شیشہ، اور ہیروئن فروخت کرکے نوجوان نسل کا مستقبل تباہ کرنے میں ملوث تھے۔

ملزمان کے قبضے سے 80 گرام آئس، ایک 30 بور پستول بمعہ 5 گولیاں، اور ایک چوری شدہ موٹر سائیکل برآمد ہوئی، جس کا مقدمہ الزام نمبر 518/2024 بجرم دفعہ 381/A پہلے سے درج ہے۔دورانِ تفتیش، ملزمان نے نہ صرف منشیات فروشی بلکہ ڈسٹرکٹ سینٹرل کے مختلف مقامات سے 30 سے 35 موٹر سائیکلیں چوری کرنے کا اعتراف بھی کیا ہے۔

ان کے خلاف منشیات اور اسلحے کے مقدمات درج کرکے ملزمان کو مزید قانونی کارروائی کے لیے شعبہ انویسٹیگیشن اور AVLC حکام کے حوالے کر دیا گیا ہے۔