ڈی آئی جی پی ویسٹ زون عرفان علی بلوچ کے حکم و ہدایت کے مطابق اسٹریٹ کرمنلز کے خلاف مسلسل کارروائی جاری ہے۔

مورخہ: 06 اکتوبر 2024

گلبرگ پولیس کی بروقت کارروائی، کریم آباد سے اسٹریٹ کرائم کی وارداتوں میں چھوٹے بچوں کو استعمال کرنے والے گروہ کے دو کارندے گرفتار۔

ملزمان 2 سے 4 سال کے بچوں کو موٹر سائیکل کی ٹینکی میں بٹھا کر موبائل فون اور پرس جھپٹتے تھے۔ پولیس نے واردات کے بعد شہری کے شور مچانے پر ملزمان کا تعاقب کیا اور انہیں کریم آباد سے گرفتار کیا۔

گرفتار ملزمان کی شناخت وحید ولد شمس اللہ اور ظفر ولد عبدالستار کے ناموں سے ہوئی ہے۔ ان کے ہمراہ ایک 3 سالہ بچے کو بھی برآمد کیا گیا، جسے والدین کے حوالے کردیا گیا۔ بچے کو ملزمان اپنے پڑوسی سے لے کر آئے تھے۔

ملزمان کے خلاف مقدمہ درج کرکے تفتیش شروع کردی گئی ہے۔

ترجمان میڈیا سیل ڈی آئی جی پی ویسٹ زون