ڈی آئی جی پی ویسٹ زون عرفان بلوچ کے حکم اور احکامات کے تحت سنگین جرائم میں ملوث عناصر کے خلاف کارروائیاں جاری ہیں۔

مورخہ: 27 ستمبر 2024

تیموریہ پولیس نے ٹیکنیکل اور انٹیلیجنس بیسڈ کارروائی کرتے ہوئے شارٹ ٹرم کڈنیپنگ میں ملوث تین اغواکاروں کو گرفتار کر لیا اور مغوی مدد علی کو بازیاب کروا لیا۔

26 ستمبر کو بفرزون کے علاقے سے اغواکاروں نے کرولا گاڑی میں مدد علی کو اغوا کیا تھا اور 2 لاکھ روپے تاوان طلب کیا تھا۔ پولیس نے فوری کارروائی کرتے ہوئے اغواکاروں ابراہیم، اصرار اور احتشام کو گرفتار کر کے مغوی کو بازیاب کیا۔

گرفتار اغواکاروں سے 2 رائفلز، 30 بور پستول اور چھینی ہوئی گاڑی برآمد ہوئی۔ مزید یہ کہ دو اغواکار الغازی ویلفئیر آرگنائزیشن کے سیکیورٹی گارڈ ہیں۔ پولیس نے اغوا میں استعمال ہونے والی گاڑی اور مغوی کی گاڑی کو اپنی تحویل میں لے لیا ہے اور اغواکاروں کے خلاف مزید کارروائی جاری ہے۔

ترجمان میڈیا سیل ڈی آئی جی پی ویسٹ زون