ڈسٹرکٹ ویسٹ : تھانہ اقبال مارکیٹ کے علاقے یعقوب آباد میں پولیس اور مسلح ملزمان کے درمیان سرچ آپریشن کے دوران مقابلہ۔

مورخہ: 18 اکتوبر 2024

دو طرفہ فائرنگ کے تبادلے کے دوران 02 ملزمان شدید زخمی حالت میں گرفتار ہوئے جوکہ اسپتال منتقلی کے دوران ہلاک ہوگئے۔

ہلاک ملزمان سے 02 غیر قانونی اسلحہ بمعہ ایمونیشن، چلیدہ خولز، 02 موبائل فونز اور نقدی رقم برآمد ہوئی۔

ہلاک ملزمان کے زیراستعمال 125 موٹرسائیکل کو قبضہ پولیس میں لے لیا گیا ہے جس کی تفصیلات حاصل کی جارہی ہیں۔

ہلاک ملزمان کی شناخت نجیب اللّٰہ ولد فیض اللّٰہ اور فہیم ولد جان محمد کے ناموں سے ہوئی، جوکہ مطلوب ملزمان تھے۔

ہلاک ملزمان کو مزید قانونی کاروائی کے لئے اسپتال منتقل کیا جارہا ہے، ضابطے کی کاروائی عمل میں لائی جارہی ہے۔

ترجمان ڈی آئی جی پی ویسٹ زون کراچی