ڈی آئی جی پی ویسٹ زون عرفان بلوچ کے احکامات و ہدایات پر منشیات فروشوں کے خلاف کریک ڈاؤن

مورخہ: 15 ستمبر 2024

1. فیڈرل بی انڈسٹریل ایریا پولیس نے خفیہ اطلاع پر کارروائی کرتے ہوئے عادی منشیات فروش اکرام ولد ممتاز خان کو گرفتار کیا۔ ملزم کے قبضے سے 510 گرام چرس برآمد ہوئی۔ مقدمہ الزام نمبر 132/2024 نارکوٹکس ایکٹ کے تحت درج کر لیا گیا۔

2. ناظم آباد پولیس نے منشیات فروش جاوید عرف بابو ولد علی محمد کو ریلوے لائن کے قریب سے گرفتار کیا۔ اس کے قبضے سے 1045 گرام چرس اور 53 گرام آئس برآمد ہوئی۔ ملزم پر متعدد مقدمات پہلے بھی درج ہیں، اور مقدمہ الزام نمبر 421/2024 کے تحت کارروائی جاری ہے۔

3. یوسف پلازہ پولیس نے ایس ایچ او عظمی خان کی سربراہی میں واٹر پمپ کے قریب کارروائی کرتے ہوئے گٹکا ماوا فروش اکبر حسین ولد محمد حسین کو گرفتار کیا۔ اس کے قبضے سے بڑی مقدار میں گٹکا ماوا برآمد ہوا، اور مقدمہ الزام نمبر 113/2024 کے تحت کیس درج کیا گیا۔

ترجمان میڈیا سیل ڈی آئی جی پی ویسٹ زون