ڈی آئی جی ویسٹ عرفان علی بلوچ کے احکامات اور ہدایات کے مطابق ملزمان کی گرفتاری کے لیے چھاپے مار کارروائیاں جاری ہیں۔

نیو کراچی پولیس نے بین الصوبائی کار لفٹر گینگ کے خلاف کامیاب کارروائی کرتے ہوئے ایک پولیس مقابلے میں دو ملزمان کو گرفتار کر لیا۔ ایک ملزم احتشام اختر ملک زخمی حالت میں جبکہ دوسرا ملزم علی نواز بغیر کسی زخم کے گرفتار ہوا۔ مقابلے کے دوران ملزمان کے دیگر ساتھی اندھیرے کا فائدہ اٹھا کر فرار ہوگئے۔

خفیہ اطلاع پر کارروائی کرتے ہوئے نیو کراچی پولیس نے شمس تبریز گراؤنڈ، سیکٹر 11-D سے سات مسروقہ گاڑیاں بھی برآمد کیں، جن میں ہونڈا سٹی، سوزوکی مہران، سوزوکی آلٹو، اور دیگر گاڑیاں شامل ہیں، جو مختلف تھانوں کی حدود سے چوری کی گئی تھیں۔