ڈی آئی جی پی ویسٹ زون عرفان علی بلوچ کے احکامات و ہدایات کے مطابق ڈسٹرکٹ ویسٹ پولیس کا منشیات فروشوں کے خلاف کریک ڈاؤن۔

میڈیا سیل ویسٹ زون کراچی

مورخہ: 07 فروری 2025

سرجانی پولیس نے یوسف گوٹھ میں کارروائی کرتے ہوئے منشیات فروش جاوید ولد دیدار علی کو گرفتار کرلیا۔

ملزم کے قبضے سے 20 گرام آئس، موبائل فون اور فروختگی کی رقم برآمد ہوئی۔

ملزم کے خلاف کنٹرول آف نارکوٹکس ایکٹ کے تحت مقدمہ درج کرلیا گیا۔

اورنگی پولیس نے سیکٹر 9E ندی نالہ کے قریب اندرون مکان قائم گٹکا ماوا فیکٹری پر چھاپہ مار کر ملزم راشد ولد محمد طیب کو گرفتار کرلیا۔

کارروائی کے دوران 140 پڑیاں گٹکا ماوا، چھالیہ، تمباکو، چونا، کیمیکل، ڈرم، ٹپ اور دیگر سامان برآمد ہوا۔

ملزم کے خلاف سندھ گٹکا ماوا ایکٹ کے تحت مقدمہ درج کرکے تفتیش شروع کردی گئی ہے۔

ترجمان ڈی آئی جی پی ویسٹ زون کراچی