جناب آئی جی پی سندھ غلام نبی میمن صاحب کے خصوصی احکامات اور ڈی آئی جی پی ویسٹ زون عرفان بلوچ کی ہدایات پر زون ویسٹ میں مضر صحت گٹکا ماوا، منشیات فروشی میں ملوث ملزمان کے خلاف کریک ڈاؤن۔

میڈیا سیل ویسٹ زون کراچی

مورخہ: 20 جنوری 2025

تھانہ سپر مارکیٹ کی کارروائی منشیات فروش گرفتار ملزم عمران بلوچ ولد امام بخش کو گرفتار کرکے 115 گرام چرس اور موٹر سائیکل نمبر KGX-5841 (جو مقدمہ نمبر 43/25 بجرم دفعہ 381-A تھانہ عزیزآباد میں مطلوب تھی) برآمد کرلی گئی۔

ملزم کے خلاف مقدمہ نمبر 19/2025 بجرم دفعہ 9(I) 3A درج کرکے مزید تفتیش جاری ہے۔

تھانہ سپر مارکیٹ کی کارروائی گٹکا ماوا فروش گرفتار ملزم محمد شہزاد ولد محمد شمیم کو گرفتار کرکے 25 تیار گٹکا ماوا کی پڑیاں برآمد کی گئیں۔

ملزم کے خلاف مقدمہ نمبر 18/2025 بجرم دفعہ 4/8(I) درج کیا گیا، جبکہ اس کا سابقہ مقدمہ نمبر 366/2020 بھی درج ہے۔ مزید تفتیش جاری ہے۔

تھانہ سرجانی پولیس کی کارروائی گٹکا فیکٹری پر چھاپہ سرجانی سیکٹر 5/B میں مکان کے اندر قائم گٹکا فیکٹری پر چھاپہ مارا گیا۔ ملزم عرفان ولد عبداللّٰہ کو گرفتار کیا گیا جبکہ ساتھی ملزم فرار ہوگیا۔

چھاپے کے دوران 175 تیار گٹکا پڑیاں، 7 کلو سے زائد چھالیہ، ایک بوری چونا، تمباکو، خالی ڈرم اور پیکنگ کا سامان برآمد ہوا۔

ملزمان کے خلاف سندھ گٹکا ماوا ایکٹ کے تحت مقدمہ درج کرکے مزید تفتیش جاری ہے۔

ترجمان ڈی آئی جی پی ویسٹ زون کراچی