ڈی آئی جی پی ویسٹ زون عرفان بلوچ کے حکم و احکامات کے تحت منشیات فروشوں کے خلاف کارروائی جاری ہے۔

مورخہ: 28 ستمبر 2024

ماوا گٹکا فروشوں کے خلاف انٹیلیجنس بیسڈ کریک ڈاؤن کے تحت خواجہ اجمیر پولیس کا ایکشن جاری۔ پولیس نے نارتھ کراچی سیکٹر 5B-3 میں واقع مکان سے 2 ملزمان کو گرفتار کر لیا جو وہاں گٹکا ماوا تیار کر رہے تھے۔

گرفتار ملزمان کی شناخت جہانگیر ولد ادریس اور ارشاد ولد جہانگیر کے نام سے ہوئی ہے۔ پولیس نے موقع سے 5 کلو بھیگی چھالیہ، 100 تیار گٹکا ماوا پُڑیاں، ایک پلاسٹک بالٹی، مختلف پتیلیاں، تمباکو کے آٹھ پیکٹ، اور ڈیجیٹل ترازو برآمد کیا۔

ملزمان کے خلاف مقدمہ الزام نمبر 504/2024 بجرم دفعہ (1) 4/5/8 گٹکا ماوا ایکٹ کے تحت درج کر لیا گیا ہے اور مزید تفتیش جاری ہے۔

ترجمان میڈیا سیل، ڈی آئی جی پی ویسٹ زون