ڈی آئی جی پی ویسٹ زون عرفان علی بلوچ صاحب کی جانب سے انسدادِ پولیو مہم کے لیئے سخت فل پروف سیکیورٹی انتظامات

مورخہ : 29 اکتوبر 2024

28 اکتوبر بروز پیر سے شروع ہونے والی انسدادِ پولیو مہم کے دوران فول پروف حفاظتی انتظامات اور پولیس حصار میں پولیو ورکرز اپنے فرائض نبھانے کے لیے کوشاں ہیں۔

تمام فیلڈ افسران و جوان اپنے اپنے علاقوں میں سیکیورٹی پلان کے مطابق حفاظتی انتظامات کے فرائض نبھانے میں مصروف عمل ہیں۔

ڈی آئی جی ویسٹ زون نے تمام ڈی ایس پیز اور ایس ایچ اوز کو پولیو ٹیمز کے ساتھ پولیس نفری کی تعیناتی، درپیش مسائل پر فوری رسپانس، علاقے میں پیٹرولنگ، پکٹنگ اور سول ایڈمنسٹریشن کے ساتھ روابط کے جملہ اقدامات احسن طریقے سے سرانجام دینے کی ہدایات جاری فرمائیں ہیں۔

ڈی آئی جی ویسٹ زون کی جانب سے جاری کردہ ہدایات و احکامات کے مطابق صبح سویرے تمام پولیس نفری کو DSPs اور SHOs نے بریفنگ دیتے ہوئے انسدادِ پولیو مہم کی حساس ڈیوٹی کیلئے مستعدی اور بہترین ٹرن آؤٹ کے ساتھ ڈیوٹی کے فرائض سرانجام دینے سمیت پولیو مہم کیلئے قائم کیئے گئے کنٹرول روم کے ساتھ لمحہ بہ لمحہ رابطے میں رہنے اور کسی بھی قسم کی ممکنہ ناخوشگوار صورتحال کے متعلق اطلاع دینے کی ہدایت کی گئی ہیں۔

اس ضمن میں ڈی آئی جی ویسٹ زون کی جانب سے دونوں اضلاع میں تمام تر انتظامات کی کڑی نگرانی جاری ہے۔

ترجمان ڈی آئی جی پی ویسٹ زون کراچی