ڈی آئی جی ویسٹ زون عرفان علی بلوچ کا عوام کو پیغام

DATED: 23  MARCH 2026

یومِ پاکستان -23 مارچ

یومِ پاکستان ہمیں اس عظیم جدوجہد کی یاد دلاتا ہے جس کے نتیجے میں برصغیر کے مسلمانوں نے ایک آزاد وطن حاصل کیا۔ 23 مارچ 1940 کو قراردادِ لاہور کی منظوری دراصل ایک خودمختار ریاست کے قیام کی بنیاد تھی، جسے ہمارے اکابرین کی قربانیوں اور انتھک محنت نے حقیقت کا روپ دیا۔

اس قومی دن کے موقع پر ویسٹ زون پولیس اپنے عزم کا اعادہ کرتی ہے کہ ملک کی سلامتی، عوام کے جان و مال کے تحفظ اور امن و امان کے قیام کے لیے ہر ممکن اقدامات جاری رکھے جائیں گے۔ شہدائے پولیس کی قربانیاں ہمارے لیے مشعلِ راہ ہیں، جن کی بدولت ہم اپنے فرائض مزید جذبے اور ذمہ داری کے ساتھ ادا کر رہے ہیں۔