ڈی آئی جی پی ویسٹ زون عرفان علی بلوچ کی ہدایات پر اسٹریٹ کرمنلز کے خلاف مسلسل کاروائی جاری ہے۔

مورخہ: 09 اکتوبر 2024

نیو کراچی صنعتی ایریا پولیس اور اسٹریٹ کرمنلز کے درمیان مقابلہ۔

صدیق آباد قبرستان، سیکٹر 6 بی، نزد کمہار پاڑہ مین روڈ پر نیو کراچی انڈسٹریل ایریا پولیس نے ایک مشتبہ موٹرسائیکل پر سوار 3 افراد کو رکنے کا اشارہ دیا، جس پر ملزمان نے پولیس پر فائرنگ شروع کر دی۔ پولیس کی جوابی فائرنگ کے نتیجے میں ایک ملزم زخمی حالت میں گرفتار جبکہ دوسرا بغیر کسی نقصان کے گرفتار ہوا، جبکہ تیسرا ملزم موقع سے فرار ہو گیا۔

گرفتار ملزمان کی شناخت نعمان عرف نومی ڈیپر ولد اظہار (زخمی) اور سہیل عرف سلی ولد محمد سلیم کے ناموں سے ہوئی۔ فرار ملزم کی تلاش جاری ہے۔

گرفتار ملزمان کے قبضے سے ایک موٹر سائیکل نمبر KJN-0144، ایک 30 بور پستول، اور ایک ٹیکنو اسپارک موبائل فون برآمد ہوا۔ برآمد شدہ موٹرسائیکل کا CPLC کے ذریعے ریکارڈ چیک کیا گیا، جو تھانہ جوہرآباد میں درج مقدمہ نمبر 318/2024 کے تحت چوری شدہ پائی گئی۔

ملزمان نے دوران تفتیش مورخہ 03/10/2024 کو شہری احمد علی سے تھانہ خواجہ اجمیر نگری کی حدود میں اپنے دیگر ساتھیوں کے ساتھ مل کر موٹر سائیکل اور موبائل فون چھیننے کا اعتراف کیا، جس کا مقدمہ الزام نمبر 517/24 تھانہ خواجہ اجمیر نگری میں درج ہے۔ مزید ریکارڈ چیک کرنے پر معلوم ہوا کہ گرفتار ملزم نعمان عرف نومی تھانہ خواجہ اجمیر نگری کے مقدمہ نمبر 644/21 میں مفرور تھا۔

زخمی ملزم کو علاج کے لیے عباسی ہسپتال منتقل کیا گیا ہے اور گرفتار ملزمان کا مجرمانہ ریکارڈ مزید چیک کیا جا رہا ہے۔

ترجمان میڈیا سیل ڈی آئی جی پی ویسٹ زون