ڈی آئی جی پی ویسٹ زون عرفان علی بلوچ صاحب کی ہدایت پر جرائم پیشہ افراد کے خلاف مسلسل کارروائی جاری ہے۔

مورخہ: 10 ستمبر 2024

تھانہ منگھوپیر کے اجتماع گاہ روڈ پر پولیس اور مسلح ملزمان کے درمیان مقابلہ ہوا۔

دو طرفہ فائرنگ کے نتیجے میں ایک زخمی سمیت دونوں موٹر سائیکل سوار ملزمان کو گرفتار کر لیا گیا۔ ملزمان کی شناخت موسیٰ خان اور فاروق کے ناموں سے ہوئی۔

پولیس نے ملزمان سے 2 غیر قانونی پستول، ایمونیشن، موبائل فونز، نقدی اور موٹر سائیکل برآمد کرلی۔ زخمی ملزم کو طبی امداد کے لیے اسپتال اور ساتھی ملزم کو تھانے منتقل کیا گیا۔

تھانہ پاکستان بازار کے سیکٹر 14C میں پولیس اور ایک مسلح ملزم کے درمیان مقابلہ ہوا۔

دو طرفہ فائرنگ کے بعد ملزم محمد رضا عرف محمد نسیم کو زخمی حالت میں گرفتار کیا گیا۔ ملزم سے اسلحہ، 125 گرام چرس اور موٹر سائیکل برآمد ہوئی۔ زخمی ملزم کو فوری طور پر اسپتال منتقل کر دیا گیا۔

پولیس کی جانب سے ضابطے کی کارروائی جاری ہے اور ملزمان کا کرمنل ریکارڈ حاصل کیا جا رہا ہے۔— ترجمان،

میڈیا سیل ڈی آئی جی پی ویسٹ زون